Paj ki annapre la yo gen nan yo kèk kesyon pre-seleksyon pou detèmine si ou gendwa kalifye pou w patisipe nan etid rechèch klinik AMPLITUDE la. Se Vertex Pharmaceuticals Incorporated (“Vertex”) ki esponnsò etid sa a epi li te angaje We Are COUCH Ltd (“COUCH Health”, “nou” oswa “n”) kòm yon founisè sèvis ki kolekte enfòmasyon pre-seleksyon pou etid la pa mwayen sit entènèt sa a pou ede fè rekritman pou esè klinik la. Tip enfòmasyon yo kolekte pa mwayen kesyonè sa a gen nan yo: enfòmasyon sou sante w (pou detèmine si w kalifye) ansanm ak enfòmasyon pou kontak (sizoka ou chwazi pou w pataje yo).

Nou pral itilize enfòmasyon sa yo sèlman pou detèmine si w kalifye pou etid rechèch sa a epi, si w aksepte, y ap itilize yo pou enfòme w sou etid rechèch Vertex ki ka genyen alavni. Yo p ap pataje ak Vertex enfòmasyon ou soumèt sou entènèt nan pre-seleksyon an nan okenn fason ki ta ka idantifye w. W ap gen opsyon tou pou efase enfòmasyon yo apre w fini avèk pwosesis pre-seleksyon an.

Si repons ou yo nan kesyonè a endike ou gendwa kalifye pou etid sa a epi ou chwazi pou w pataje enfòmasyon kontak ou, nou pral pataje enfòmasyon ou yo avèk Circuit Clinical oswa yon lòt founisè sèvis pou Vertex nan etid sa a, ki pral kontakte w pou fè yon preseleksyon konplè. Selon rezilta depistaj sa a, epi avèk pèmisyon w, yo ta pataje enfòmasyon w yo avèk yon sit rechèch. Menm si yo pa jwenn ou kalifye pou etid sa a, w ap gen opsyon pou COUCH Health konsève enfòmasyon w yo nan dosye pandan yon peryòd tan ke w chwazi dekwa pou yo ka kontakte w si kritè kalifikasyon yo chanje pou etid AMPLITUDE la oswa pou pwochen etid Vertex yo.

Pou jwenn yon deskripsyon ki pi konplè sou pratik konfidansyalite Vertex yo ak sou dwa vi prive ou genyen si w se yon rezidan California, tanpri gade Avi sou Konfidansyalite Vertex la nan https://www.vrtx.com/english-privacy-us-residents/. Si w gen yon kesyon oswa si w vle egzèse dwa vi prive w ki detaye nan avi sou konfidansyalite ki anwo a, tanpri kontakte COUCH Health nan [email protected] paske Vertex p ap resevwa okenn enfòmasyon ki konsène w apati sitwèb sa a.